Lajme nga Sporti

Interi kërkon Edin Dzekon

2010-01-15T13:32:00.000-08:00

Interi është klubi më i ri që interesohet për Edin Dzekon, raporton ilsusidiario.net.
Rivali lokal dhe më i përgjakshëm Milani ka qenë që një kohë të gjatë pas sulmuesit boshnjak, por duket se tani Inter do ti prish planet e rosonerëve.
23 vjeçari Dzeko ka deklaruar hapur se dëshiron të kaloj në Milan, por fuqia e Interit në merkato mund të bëj që Dzeko të ndroj destinacion. Ky transferim do të finalizohet në qershor.
Dzeko shënoi 30 gola sezonin e kaluar, duke bërë që shumë skuadra të jenë të interesuara për të. Njëri prej tyre është dhe Chelsea.

Inter transferon Baptistan, Mourinho nuk di asgjë

2010-01-15T13:31:00.000-08:00

Sipas burimeve nga Roma, Interi dhe skuadra romake ka arritur marrveshje për transferimin e mesfushorit ofanziv Julio Baptista.
Një transferim i tillë ishte përfolur një kohë të gjatë, dhe tani më në fund ka gjetur fundin. Agjenti i lojtarit Alessandro Luci, ka shkuar në Milano së bashku me presidenten Gjallorose Rosella Sensi, dhe drejtorin sportive Daniele Prado, kurse një zyrtarizimi pritet së shpejti.
Ka spekulime se me anë të këtij transferimi, Roma njëkohësisht do të kompletoj transferimin e Nicolas Burdisos që është si huazim te Roma.
Mourinho nga ana tjetër pohon se nuk di asgjë për këtë transferim por ardhja e mundshme e Baptistës do të mirpritej nga ai.
“ A më pëlqen Baptista? Mendoj vetëm për veten dhe nuk qaj si të tjerët kur lojtarët si Samuel Eto’o shkojnë në kupën afrikane të kombeve.”
“ Dua të them të njëjtën gjë si zakonisht. Nëse vjen një mesfushor para 31 Janarit atëherë OK. Përndryshe nuk do të kishte problem. Alen Stevanovic erdhi në ndeshjen ndaj Sienës kreu punën e tij.”
Baptista do të ishte lajm i keq për Chelsean. Nëse ai transferohet, gjë që pritet të ndodhë brenda 24 orëve, atëherë ai do të luaj prapa sulmuesve si trikuartist, dhe në atë rast, Sneijder do të zhvendosej në pozitën e tij në qendër të mesfushës. Kjo gjë, do të krijonte stabilitet në lojën e Interit, duke bërë që reparti më i dobët deri tani te Interi, mesfusha, të jetë më i forti.

Galliani: Derbi nuk do të jetë deçiziv

2010-01-15T13:08:00.000-08:00

Zëvëndës presidenti i Milanit Adriano Galliani pohon se shpresat e Rosonerëve për titull nuk qëndrojnë në derbin kundër Interit.

Derbi della Madoninna zhvillohet javën e ardhshme më 24 Janar në San Siro. Aktualisht, Interi ka tetë pikë më shumë se Milani në pozitën e dytë, Milani ka një ndeshje më pak të zhvilluar me Fiorentinën, dhe nëse mposht Interin dhe Fiorentinën, në fund të Janarit Milani do të jetë vetëm 2 pikë larg Interit.
Sidoqoftë, Galliani thotë se ky derbi nuk do ta vendos garën për titullin e sezonit 2009-2010.
“ Derbi nuk do të jetë vendimtar për Scudetton.”
“ Nuk jemi të tensionuar. Do të jetë vetëm Inter kundër Milanit, një ndeshje që zhvillohet që 102 vite.”
Nesër Interi do të ketë punë me Barin, kurse Milani të dielën pret Sienën.

Benitez në Juve ?

2010-01-15T13:01:00.000-08:00

Juventusi duket se e ka humbur rastin për Guus Hiddinkun, i cili do të mund të drejtoj Liverpoolin, gjë që do të thotë se Rafa Benitez është i lirë për të shkuar në Torino, raporton Tuttosport.
Sipas raporteve nga ishulli takticieni spanjoll është nën hijen e Hiddinkut, i cili po kërkohet nga bossat e Anfield. Sidoqoftë këto ndërime do të bëhen verën e ardhshme.
Ciro Ferrara i shpëtoi shkarkimit pas fitores 3-0 ndaj Napolit në Coppa Italia, gjë që bëri dhe drejtuesit e klubit ta mbajnë për një kohë të pacaktuar në skuadër.
Gjërat do të ndryshojnë në Maj. Benitez është favorit absolute për të marrë nën drejtim Juventusin, pasi që flet rrjedhshëm Italisht.
Në Angli, The Daily Telegraph pohon se e ardhmja e Benitezit nuk është tani për tani në rrezik, por do të mund të rishiqohet në fund të sezonit.

Mario Balotelli Rosoner ?

2010-01-15T12:59:00.000-08:00

Super sulmuesi i Interit Mario Balotelli nuk është frikësuar aspak që të ulet në tribunat e San Siros të mërkurën për të parë rivalët e përbetuar lokal Milanin që luajti ndaj Noavaras në Coppa Italia.
19 vjeçari ishte kontravers në Nëntor kur deklaroi para një numër fëmijësh me aftësi të kuafizuara se ai e adhuronte që nga fëmijëria Milanin, por luante për Interin.
Sidoqoftë, dalja në shesh e tij duket se është pritur me skepticizëm nga tifozët e Milanit, kur është parë duke u fjalosur me një tifoz të Milanit, të cilit natyrisht se nuk i pëlqeu prezenca e lojtarit të Interit.
Gjakrat më pas u qetësuan dhe Balotelli shikoi i qetë ndeshjen deri në fund.

nter dhe Milan do të ndeshen në Derbi della Madonnina më 24 Janar, dhe bossat1.page.tl ju premton një numër specialitetesh për sqarimin e pozicioneve të këtij derbi tejet të komplikuar.

Louis Van Gaal kërkon fitore kundër Hoffenheim

2010-01-15T12:58:00.000-08:00

Trajneri i Bayern Munchen Louis Van Gaal ka bërë të qartë se ai pret që Bayern Munchen të shënoj fitore kundër Hoffenheim.
Bayern Munchen do të ndeshet me Hoffenheim sot në mbrëmje në ndeshjen e parë pas pushimit dimëror dhe trajneri Louis Van Gaal ka bërë të qartë se Bayern Munchen duhet të shënoj fitore në këtë ndeshje.
“Ne duhet të fitojmë. Ne mund të konfirmojmë formën e mirë që e treguam në fund të vitit të kaluar. Kjo do të jetë e rëndësishme për ne, “ deklaroi Van Gaal në një konference për shtyp.
“Hoffenheim ka lojtarë shumë të mirë. Megjithatë ne mund të fitojmë këtë ndeshje. “
Bayern aktualisht është në vendin e tretë me 33 pike, ndërsa Hoffenheim është në vendin e 7.

Hill: Fabregas do të qëndroj

2010-01-15T12:57:00.000-08:00

Njeriu numër 1 te Arsenali Peter Hill është i bindur se super mesfushori Cesc Fabregas do të qëndroj në Emirates Stadium përkundër spekulimeve të cilat ende pohojnë një kalim në Spanjë.
Arsenali në krye me trajnerin e saj kohë më parë shkruajti një letër kërcënuese tek skuadrat spanjolle Real Madrid dhe Barcelona që të qëndrojnë larg Fabregasit.
“ Nuk jam aspak i brengosur sepse mendoj që Cesc është shumë njeri i ri dhe sensitive që ka qenë një kohë të gjatë me ne dhe që ka një kontratë afatgjate me ne.”
“ Atij i pëlqen të qëndroj këtu dhe të luaj për Arsenalin. Nuk mendoj se ai do të lëkundet nga ofertat e ndryshme megalomane.” Deklaroi Hill.

Benitez: Fakt është, po luajmë keq

2010-01-15T12:55:00.000-08:00

Menaxheri i Liverpoolit Rafa Benitez ka reaguar ndaj shumë kritikave drejtuar klubit me një dozë të vogël të shakasë.
“ Para se të fillojnë pyetjet, disa fakte.”
“ Fakt është: Ne nuk po luajmë mirë dhe po na vjen keq për tifozët. Unë jam një menaxher me përvojë dhe e di se situata mund të ndryshoj për një javë në futboll, kështu që kemi besim se do të përmirësohemi.”
“ Stoke ju premtoj se do të demolohet. Kështu që tani mendojmë vetëm për Stoke Cityn. Pas ndeshjes flasim.”
I pyetur nga gazetarët se a po e ndjen presionin në Anfield, Benitez u përgjigj:
“ Thashë se dua të fokusohem në Stoke Cityn, është më mirë të flasim për futboll, ose për Maxi Rodriguezin nëse doni. Do të koncentrohem në lojë.”
“ Ne do të stërvitemi shumë, por do të stërvitemi dhe mirë. E dimë se çdo ndeshje është e vështirë dhe nuk garantoj pozitën e katërt. “
“ Më vjen mirë ardhja e Maxi Rodriguezit. Ai është lojtarë i mirë dhe po përpiqemi të gjejmë sa më shumë të tillë.”
“ Në këtë treg është shumë e vështirë të gjejmë lojtarë të mirë, por do të mbajmë sytë hapur nëse gjejmë ndokë.” Deklaroi Benitez.